【唔好再誤會加拿大啦 除咗Poutine仲有其他特色小食㗎！】 講起加拿大美食很多人會立刻諗起19世紀的魁北克省經典小食，Poutine（普汀）。這道菜式做法簡單，只要在薯條上加上芝士及熱辣辣的肉汁就完成，簡單又好味！但其實加拿大的美食遠遠不止Poutine，仲有好多其他你見過但可能未試過嘅“國民美食”。 1. Beaver Tails （河狸尾巴） Beaver Tails係加拿大人非常喜愛的甜品，佢嘅名源自於食物的外型，真係同一隻河狸嘅尾巴好似！源自於渥太華的Beaver Tails其實在整個加拿大都可以食到，炸過之後可以在上方淋上各式各樣的朱古力醬，價位大概由$5到$10加元不等，係小朋友嘅摯愛。 2. Smoked Meat （煙肉三文治） Smoked Meat源自於魁北克省蒙特利爾的特色食品，創造這道菜式嘅猶太人以香料腌製牛胸肉一星期，再用高溫煙燻蒸熟，從而製成蒙特利爾式燒肉。加拿大人喜歡將煙肉夾在兩塊黑麥麵包中間，再淋上芥末醬食用，各位食肉獸到訪蒙特利爾時不妨一試！ 3. Butter Tarts （牛油撻） 牛油撻是加拿大的傳統小食，有別於香港的蛋撻，加拿大的牛油撻用牛油、糖及蛋作為餡，咬落去的時候口感豐富，用來送咖啡簡直一流！多倫多的The Sweet Oven就有專登製作牛油撻的餅店，口味多元，目前有Oreo、椰子、煙肉、啤酒味。 4. 冬季限定！Tire d’ erable （楓糖太妃糖） Tire d’ erable係魁北克省特有的冬日小食，仲要唔係你話想食就有得食！Tire d’ erable係“雪上的太妃糖” 嘅意思，老闆會講熱辣辣的楓糖漿淋在超低溫雪白綿密嘅冰雪上，之後你就要快啲手用木條將楓糖漿倦倦倦，捲成“楓糖冰雪條”。 加拿大特色小食雖然外觀不太吸引，但擁有濃濃的人情味。就好似雪上的太妃糖，如果細細個同爸爸媽媽一齊在逛市集時食過一次，必將會是一生難忘可貴的回憶！